இலவச வைத்திய முகாம்

புத்தளம் நகர சபையால் ஏற்பாடு செய்யப்பட்ட முதியோர்களுக்கான இலவச வைத்திய சிகிச்சை முகாம், புத்தளம் நகர சபை சிறுவர் பூங்காவில் நேற்று 11) நடைபெற்றது.

புத்தளம் நகர சபையின் நிர்வாக அதிகாரி எச்.எம். சபீக்கின் தலைமையில் நடைபெற்ற இந்த இலவச வைத்திய சிகிச்சை முகாமில் 70க்கும் மேற்பட்ட முதியோர்கள் கலந்துகொண்டு பயனடைந்தனர்.

புத்தளம் தள வைத்தியசாலையின் வைத்தியர்கள் மற்றும் தாதிகள் பலரும் இந்த வைத்திய சிகிச்சை முகாமில் கடமையில் ஈடுபட்டனர். 

நீரிழிவு, இரத்த அழுத்தம் மற்றும் கொலஸ்ட்ரோல் போன்ற நோய்களுக்கு இங்கு சிகிச்சைகள் வழங்கப்பட்டமை குறிப்பிடத்தக்கது.