உணவுப்பொதியில் கரப்பான் பூச்சி

(ஹிரான் பிரியங்கர ஜயசிங்க)

புத்தளம் ஆதார வைத்தியசாலையின் சிற்றுண்டிச்சாலையில், தாதியொருவரால் இன்று (29) பெற்றுக்கொள்ளப்பட்ட காலை உணவில் கரப்பான் பூச்சி காணப்பட்டுள்ளதாக முறைப்பாடு செய்யப்பட்டுள்ளது.

அவித்த சக்கரைவள்ளிக் கிழங்குகளை உணவுக்காக பெற்றுக்கொண்டு, பொதியினை திறந்துபார்த்த வேளையில் கரப்பான் பூச்சி உயிரிழந்த நிலையில் காணப்பட்டுள்ளது.

இது தொடர்பில் புத்தளம் மாநகரசபையின் பொது சுகாதார பரிசோதகரிடம் முறைப்பாடு செய்யப்பட்டுள்ளதுடன் விசாரணைகள் முன்னெடுக்கப்பட்டு வருகின்றன.

இதேவேளை, வைத்தியசாலை சிற்றுண்டிச்சாலையில் சுகாதாரமற்ற உணவு வகைகள் விநியோகிக்கப்படுவதாக ஏற்கெனவே அதிகாரிகளால் எழுத்து மூலமான முறைப்பாடு செய்யப்பட்டுள்ளதாகவும் தெரிவிக்கப்படுகிறது.