கடமைகளை பொறுப்பேற்பு

-எம்.யூ.எம்.சனூன்

புத்தளம் நகர சபையின் புதிய நிர்வாக அதிகாரியாக 30 வருட கால அரச சேவை அனுபவம் நிறைந்த எச்.எம்.எம்.சபீக், வெள்ளிகிழமை (20) காலை தனது கடமைகளை உத்தியோகபூர்வமாக பொறுப்பேற்றுக்கொண்டார்.

இவர், 1986ஆம் ஆண்டு பிராந்திய சுகாதார திணைக்களத்தில் இலிகிதராக இணைந்து 2007 வரை அங்கு பணியாற்றினார்.

2007 தொடக்கம் புத்தளம் தள வைத்தியசாலையின் செயலாளராகவும் பிரதம இலிகிதராகவும் இவர் பணியாற்றியுள்ளார்.
2015 ஜனவரி மாதம் 31ஆம் திகதி நடைபெற்ற முகாமைத்துவ சிறப்பு பரீட்சையில் இவர் சித்தியடைந்ததன் மூலமாக புத்தளம் நகர சபையின் நிர்வாக அதிகாரியாக தனது கடமைகளை பொறுப்பேற்றார்.

ஏறாவூரை பிறப்பிடமாகக்கொண்ட எச்.எம்.எம்.சபீக் புத்தளம் தில்லையடியை வசிப்பிடமாக கொண்டவர். புத்தளம் கால்ப்பந்தாட்ட லீக்கின் தலைவராக சில காலம் பதவி வகித்த இவர், தில்லையடி நியூ பிரண்ட்ஸ் அணியின் தலைவராகவும் கடமையாற்றி வருகிறார்.