பாலர் பாடசாலை ஆசிர்களுடனான கலந்துரையாடல்

கற்பிட்டி பிரதேச சபைக்குட்பட்ட கரம்பை தொடக்கம் கற்பிட்டி வரையிலான பாலர் பாடசாலைகளின் அபிவிருத்தி சம்பந்தமான விசேட கலந்துரையாடல், திங்கட்கிழமை நடைபெற்றது.

அகில இலங்கை மக்கள் காங்கிரஸ் கற்பிட்டி அமைப்பாளர் ஏ.ஆர்.எம். முஸம்மில் தலைமையில் இடம்பெற்ற குறித்தக் கலந்துரையாடலில் அ.இ.ம.கா. நுரைச்சோலை அமைப்பாளர் அஸ்லம், கட்சியின் உயர்மட்ட குழு உறுப்பினர்கள் ஆகியோருடன், கரம்பை தொடக்கம் கற்பிட்டி வரையிலான பாலர் பாடசாலைகளின் ஆசிரியைகளும் கலந்துகொண்டனர்.

அமைச்சர் ரிசாத் பதியுதீனின் முயற்சியால் மீள்குடியேற்ற செயலணி ஊடாக கரம்பை தொடக்கம் கற்பிட்டி வரையிலான பாலர் பாடசாலைகளின் அபிவிருத்திக்கு 50 இலட்சம் ரூபாய் ஒதுக்கீடு செய்யப்பட்டுள்ளது.

இவ்வாறு ஒதுக்கீடு செய்யப்பட்ட நிதியைக் கொண்டு குறித்த பலர் பாடசாலைகளில் முன்னெடுக்கப்பட வேண்டிய அபிவிருத்தி தொடர்பில் இதன்போது கலந்துரையாடப்பட்டதாக, அகில இலங்கை மக்கள் காங்கிரஸ் கற்பிட்டி அமைப்பாளர் தெரிவித்தார்.