மலசலக் கூட வசதிகளை பெற்றுத்தருமாறு கோரி புத்தளத்தில் மக்கள் ஆர்ப்பாட்டம்

(அப்துல்லாஹ்)
உலக வங்கி அபிவிருத்தி திட்டத்தினூடாக கிடைக்கப்பெற்றுள்ள மலசல  கூட வசதிகளை தமக்கு பெற்றுத்தருமாறு கோரி புத்தளம், மக்கள் உட்கட்டமைப்பு மற்றும் வீடமைப்பு அபிவிருத்தி திட்ட காரியாலத்திற்கு முன்பாக ஆர்ப்பாட்டமொன்றில் ஈடுப்பட்டனர்.

புத்தளம் நகரசபை உறுப்பினர் டீ.எம். முஜாஹிதுல்லாஹ் தலைமையில்  மலசல  கூடங்கள் கிடைக்கப்பெறாதவர்கள் இவ் ஆர்ப்பாட்டத்தில்; ஈடுபட்டுள்ளனர். 

உலக வங்கி அபிவிருத்தி திட்டத்தினூடாக கிடைக்கப் பெற்ற 2000 மலசல  கூடங்களை வழங்குவதில் புத்தளம் மக்கள் புறக்கணிக்கப்பட்டு வருவதாக  புத்தளம் நகரசபை உறுப்பினர் டீ.எம். முஜாஹிதுல்லாஹ் இதன்போது கருத்து தெரிவித்தார்.

இதுத் தொடர்பில் திட்ட பணிப்பாளர் எஸ்.எம்.யாஸீன்,  உலக வங்கி அபிவிருத்தி திட்டத்தினூடாக கிடைக்கப் பெற்ற 2000 மலசல  கூடங்களில் 798  மலசல கூடங்கள் புத்தளம் மக்களுக்கு வழங்கப்ட்டுள்ளதாக தெரிவித்தார்.