கார் விபத்தில் ஐவர் காயம்

- ஹிரான் பிரியங்கர ஜயசிங்க

புத்தளம், நுரைச்சோலை பிரதேசத்தில் மின்கம்பத்துடன் கார் மோதி விபத்துக்குள்ளாகியதில் நுரைச்சோலை அனல் மின் நிலையப் பொறுப்பதிகாரி உட்பட ஐவர் காயமடைந்துள்ளதாக புத்தளம் பொலிஸார் தெரிவித்தனர். 

இந்த விபத்து, புதன்கிழமை (15) இடம்பெற்றுள்ளதாகவும் வேகக் கட்டுப்பாட்டை இழந்ததால் கார் மின்கம்பத்துடன் மோதியுள்ளதாகவும்  புத்தளம் பொலிஸார் தெரிவித்தனர். 

விபத்தில் காயமடைந்தவர்கள் புத்தளம் ஆதார வைத்தியசாலை மற்றும் கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர். 

இந்த விபத்து தொடர்பான மேலதிக விசாரணைகளை புத்தளம் பொலிஸார் மேற்கொண்டுள்ளனர்.