இலங்கை பல் மருத்துவ சங்கத்துடன் Haleon நிறுவனம் மீண்டும் கைகோர்ப்பு

2026ஆம் ஆண்டுக்கான உலக வாய் சுகாதார தினத்தை முன்னிட்டு, Haleon Sri Lanka நிறுவனம் தொடர்ச்சியாக இரண்டாவது ஆண்டாகவும் இலங்கை பல் மருத்துவ சங்கத்துடன் (SLDA) உத்தியோகபூர்வமாக கைகோர்த்துள்ளது.

முன்னர் 'GlaxoSmithKline Consumer Healthcare' என அறியப்பட்ட Haleon நிறுவனம், பனடோல், அயோடெக்ஸ் மற்றும் ஈனோ போன்ற முன்னணி வர்த்தக நாமங்களின் தயாரிப்பாளராக 1956ஆம் ஆண்டு முதல் இலங்கையில் இயங்கி வருகின்றது. இம்முறை மார்ச் 20ஆம் திகதி கொண்டாடப்படவுள்ள உலக வாய் சுகாதார தினத்திற்கான புரிந்துணர்வு ஒப்பந்தம், கடந்த மார்ச் 4ஆம் திகதி புதன்கிழமை கையெழுத்திடப்பட்டது.

‘மகிழ்ச்சியான வாய்... மகிழ்ச்சியான வாழ்க்கை’ (A Happy Mouth is a Happy Life) எனும் உலகளாவிய தொனிப்பொருளின் கீழ் இம்முறை விழிப்புணர்வு நடவடிக்கைகள் முன்னெடுக்கப்படவுள்ளன.

விழிப்புணர்வுப் பிரசாரம் சென்சொடைன் (Sensodyne) பற்பசையின் சந்தைப்படுத்துனர்களான Haleon நிறுவனம் மற்றும் இலங்கை பல் மருத்துவ சங்கம் ஆகியவற்றின் இந்தக் கூட்டாண்மையானது, இலங்கையர்களிடையே வாய் சுகாதாரப் பராமரிப்பு குறித்த விழிப்புணர்வை ஏற்படுத்துவதை முதன்மை நோக்கமாகக் கொண்டுள்ளது.

“#வாய் சுகாதாரத்திற்கு உணர்திறன் மிக்கவர்களாக இருங்கள்: முதலாவது அடியை எடுத்துவையுங்கள்” (#BeSensitive To Oral Health: Take the first step) எனும் மகுட வாசகத்துடன் மார்ச் மாதம் முழுவதும் டிஜிட்டல் மற்றும் பாரம்பரிய ஊடகத் தளங்கள் வாயிலாக இப்பிரசாரம் முன்னெடுக்கப்படவுள்ளது.

இலவச பல் மருத்துவ முகாம்கள் இந்த விழிப்புணர்வுத் திட்டத்தின் ஒரு பகுதியாக, நாடு முழுவதிலும் உள்ள சுமார் 10,000 இலங்கையர்கள் பயனடையும் வகையில் இலவச பல் பரிசோதனை வசதிகள் ஏற்பாடு செய்யப்படவுள்ளன.

இதன் முக்கிய நிகழ்வு மார்ச் 20ஆம் திகதி கொழும்பு காலி முகத்திடலில் நடைபெறவுள்ளது. அங்கு பொதுமக்களுக்கு இலவச பல் பரிசோதனைகள், பற்களின் உணர்திறன் பரிசோதனை (Sensitivity Test) மற்றும் சரியான வாய் சுகாதார நடைமுறைகள் குறித்த ஆலோசனைகள் வழங்கப்படவுள்ளன. இலங்கை பல் மருத்துவ சங்கத்தின் உறுப்பினர்கள் அனைவரும் இந்தத் தேசிய முயற்சியில் முழுமையான பங்களிப்பை வழங்கவுள்ளனர்.

இலங்கையில் பலரைப் பாதிக்கும் பல் உணர்திறன் பிரச்சினைகளுக்குத் தீர்வுகாணவும், தரமான பல் பராமரிப்பு வசதிகள் அனைவரையும் சென்றடைவதை உறுதி செய்யவும் இந்தக் கூட்டாண்மை வழிவகுக்கும் என எதிர்பார்க்கப்படுகிறது.

புகைப்பட விளக்கம் (இடமிருந்து வலம்): இசுரி லியானகே (பிராண்ட் எக்ஸிகியூட்டிவ், Haleon Lanka), சதீஸ்காந்த் சிதம்பரம் (மூத்த மேலாளர் – மருத்துவ சந்தைப்படுத்தல், Haleon Lanka), மஞ்சுல வீரகோன் (வர்த்தக முன்னணி – இலங்கை மற்றும் மாலைத்தீவு, Haleon Lanka), டாக்டர் ஆனந்த ரத்நாயக்க (தலைவர் – SLDA), டாக்டர் ரவிப்ரியா ரணவக்க (கௌரவ பிரதான செயலாளர் – SLDA), டாக்டர் நிலந்த ரத்நாயக்க (தேர்ந்தெடுக்கப்பட்ட தலைவர் – SLDA), டாக்டர் என். முகுந்தன் (கௌரவ உதவி செயலாளர் – SLDA), டாக்டர் ஷாமில் பத்மபெரும (குழு உறுப்பினர் – SLDA).