பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

-ச.சேகர்

 

கொழும்பு பங்குச்சந்தை கடந்தவாரமும் உயர்வான பெறுமதிகளை பதிவு செய்திருந்தது. முன்னைய வாரத்தில் கொழும்பு பங்குச்சந்தை அதியுயர் புள்ளிகளை பதிவு செய்திருந்ததை தொடர்ந்து கடந்த வாரம் சந்தை சீராக்கம் இடம்பெறும் என எதிர்பார்க்கப்பட்ட போதிலும், தொடர்ந்தும் சந்தையில் உயர்வான கொடுக்கல் வாங்கல்கள் இடம்பெற்றதை அவதானிக்க முடிந்தது. இதன் காரணமாக குறுங்கால அடிப்படையில் கொழும்பு பங்குச் சந்தையில் வருமானமீட்டுவதற்கான சிறந்த வாய்ப்பு கடந்த வாரம் பதிவாகியிருந்தது. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 7,034.09 ஆகவும், S&P ஸ்ரீலங்கா 20 சுட்டி 3872.51 ஆகவும் பதிவாகியிருந்தன.

 

ஓகஸ்ட் 25ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 5,720,527,313 அமைந்திருந்தது. கடந்த வாரம் மொத்தமாக 64,895 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 63,067 ஆகவும் வெளிநாட்டு கொடுக்கல் வாங்கல்கள் 1,828 ஆகவும் பதிவாகியிருந்தன.

 

திங்கட்கிழமை

ஜோன் கீல்ஸ் ஹோல்டிங்ஸ், சிலோன் கோல்ட் ஸ்ரோர்ஸ் மற்றும் நெஸ்லே ஆகிய பங்குகளின் மீது சரிவான விலை பதிவாகியிருந்ததன் காரணமாக சுட்டிகள் மறை பெறுமதியில் நிறைவடைந்திருந்தன. உயர் நிகர பெறுமதி வாய்ந்த மற்றும் நிறுவனசார் ஈடுபாடு என்பது ஜோன் கீல்ஸ் ஹோல்டிங்ஸ் பங்குகளின் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு ஏசியா அஸெட் ஃபினான்ஸ், ர்ஏயு பூட்ஸ் மற்றும் லங்கா சென்சரி இன்வெஸ்ட்மன்ட்ஸ் பங்குகள் மீது பதிவாகியிருந்தது. டெக்ஸ்ச்சர்ட் ஜேர்சி லங்கா பங்குகள் மீது கலப்பு ஈடுபாடு பதிவாகியிருந்தது. வெளிநாட்டவர்கள் நிகர கொள்வனவாளர்களாக பதிவாகியிருந்தனர்.

 

செவ்வாய்க்கிழமை

பிரதான சுட்டெண் 29.29 புள்ளிகளால் அதிகரித்து 7,013.32 புள்ளிகளாக நிறைவடைந்திருந்தது. நிகர வெளிநாட்டு முதலீடாக 480 மில்லியன் ரூபா சந்தையினுள் வருகை தந்திருந்தது. ஜோன் கீல்ஸ் ஹோல்டிங்ஸ் பங்குகளின் மீது உயர் நிகர பெறுமதி வாய்ந்த மற்றும் நிறுவனசார் ஈடுபாடு பதிவாகியிருந்தது. றிச்சர்ட் பீரிஸ் பங்குகளின் மீதும் செலிங்கோ செலான் டிவலப்மன்ட்ஸ் பங்குகள் மீதும் சிறியளவிலான முதலீட்டாளர்கள் ஆர்வம் செலுத்தியிருந்தனர். கலப்பு ஈடுபாடு என்பது லங்கா இந்தியன் ஒயில் கம்பனி மற்றும் நேஷன்ஸ் ட்ரஸ்ட் வங்கி ஆகியவற்றின் மீது பதிவாகியிருந்தது.

 

புதன்கிழமை

குட் ஹோப், ஆசிரி சென்ரல் ஹொஸ்பிட்டல் மற்றும் லாஃவ்ஸ் காஸ் ஆகிய பங்குகளின் மீது விலை சரிவுகள் காரணமாக சுட்டிகள் மறை பெறுமதியில ;நிறைவடைந்திருந்தன. புரள்வு பெறுமதி 742 மில்லியன் ரூபாவை எய்தியிருந்தது. உயர் நிகர பெறுமதி வாய்ந்த நிறுவனசார் ஈடுபாடு என்பது செலான் டிவலப்மன்ட்ஸ் பங்குகளின் மீது பதிவாகியிருந்தது. தப்ரோபேன் ஹோல்டிங்ஸ் மற்றும் லங்கா சென்ச்சரி இன்வெஸ்ட்மன்ட்ஸ் வொரன்ட்கள் 0006 ஆகியவற்றின் மீது சிறியளவிலான முதலீட்டாளர்களின் ஈடுபாடு பதிவாகியிருந்தது. வெளிநாட்டு செயற்பாடுகள் குறைந்தளவில் பதிவாகியிருந்தன.

 

வியாழக்கிழமை

புரள்வு பெறுமதி குறைவாக பதிவாகியிருந்த போதிலும், பங்குச்சந்தை நேர்பெறுமதிகளுடன் நிறைவடைந்திருந்தது. இதில் ஜோன் கீல்ஸ் ஹோல்டிங்ஸ், லங்கா ஐஓசி மற்றும் ட்ரான்ஸ் ஏசியா ஹோட்டல்ஸ் ஆகியன ஆகியன பங்களிப்பை வழங்கியிருந்தன. எயிட்கன் ஸ்பென்ஸ் ஹோட்டல் ஹோல்டிங்ஸ் பங்குகள் சந்திப்புகளை பதிவு செய்திருந்ததுடன், லங்கா ஐஓசி பங்குகள் மீது நிறுவனசார் மற்றும் உயர் நிகர பெறுமதி வாய்ந்த ஈடுபாடு பதிவாகியிருந்தது. ப்ளு டயமன்ட், லங்கா சென்ச்சரி இன்வெஸ்ட்மன்ட்ஸ் ஆகியவற்றின் மீது சிறியளவிலான முதலீட்டாளர்கள் ஆர்வம் செலுத்தியிருந்தனர். லாஃவ்ஸ் காஸ் பங்குகள் மீது கலப்பு ஈடுபாடு பதிவாகியிருந்தது. வெளிநாட்டவர்கள் அதிகளவு பங்கு கொள்வனவில் ஆர்வம் செலுத்தியிருந்தனர்.

 

வெள்ளிக்கிழமை

சுட்டிகள் நேர்பெறுமதியுடன் நிறைவடைந்திருந்தது. இதில் சிலோன் டொபாக்கோ கம்பனி, நெஸ்லே மற்றும் லயன் பிரெவரி ஆகியன பங்களிப்பை செலுத்தியிருந்தன. புரள்வு பெறுமதி 1.1 பில்லியன ரூபாவாக பதிவாகியிருந்தது. உயர் நிகர பெறுமதி வாய்ந்த நிறுவனசார் ஈடுபாடு கொமர்ஷல் வங்கி மற்றும் அக்சஸ் என்ஜினியரிங் பங்குகளின் மீது பதிவாகியிருந்தது. லோஃவ்ஸ் காஸ் பங்குகளின் மீது சிறு முதலீட்டாளர்களின் ஈடுபாடு காணப்படடது. வெளிநாட்டு முதலீட்டாளர்களின் பங்களிப்பு குறைந்தளவில் பதிவாகியிருந்தது.

 

கடந்த வார கொடுக்கல் வாங்கல் நடவடிக்கைகளில் லங்கா சிமெந்து, சணச டிவ.வங்கி, ஈக்குவிட்டி, ரோயல் பாம்ஸ் மற்றும் சிலோன் பிரின்டர்ஸ் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

 

லங்கா சென்ச்சரி (உரிமம்), யுனைட்டட் மோட்டர்ஸ், குட் ஹோப், பிசி பார்மா மற்றும் ஒரியன்ட் காமன்ட்ஸ் போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

 

தங்கம் விலை நிலைவரம்

கடந்த வாரம் 24 கெரட் தங்கத்தின் சராசரி விலை 45,200 ரூபாவாகவும், 22 கெரட் தங்கத்தின் விலை 42,300 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

 

நாணய மாற்று விகிதம்

கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 131.63 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 218.95 ஆக காணப்பட்டிருந்தது.