பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

-ச.சேகர்

கொழும்பு பங்குச்சந்தை தொடர்ந்து சரிவான பெறுமதியை கடந்த வாரம் முழுவதும் பதிவு செய்திருந்தது. குறிப்பாக ஜோன் கீல்ஸ் ஹோல்டிங்ஸ் பங்குகளின் மீதான தொடர்ச்சியான விலைச்சரிவு இதில் அதிகளவு பங்களிப்பை வழங்கியிருந்தது. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 7,276.63 ஆகவும், S&P ஸ்ரீ லங்கா 20 சுட்டி 4078.89 ஆகவும் பதிவாகியிருந்தன.

ஜனவரி 19ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 4,462,460,305 அமைந்திருந்தது. கடந்த வாரம் மொத்தமாக 33,759 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 32,056 ஆகவும் வெளிநாட்டு கொடுக்கல் வாங்கல்கள் 1,703 ஆகவும் பதிவாகியிருந்தன. 

திங்கட்கிழமை
கொமர்ஷல் வங்கி, ஜோன் கீல்ஸ் ஹோல்டிங்ஸ் மற்றும் அக்சஸ் என்ஜினியரிங் ஆகியவற்றின் பங்களிப்புடன் புர்ளவு பெறுமதி 859 மில்லியன் ரூபாவை பதிவு செய்திருந்தது. உயர் தேறிய பெறுமதி வாய்ந்த நிறுவனசார் ஈடுபாடு கொமர்ஷல் வங்கி பங்குகளின் மீது பதிவாகியிருந்தது. கலப்பு ஈடுபாடு அக்சஸ் என்ஜினியரிங், லங்கா ஐஓசி மற்றும் பீபிள்ஸ் லீசிங் அன்ட் ஃபினான்ஸ் பங்குகளின் மீது பதிவாகியிருந்தது. ஏசியா அஸெட் ஃபினான்ஸ், யூனியன் வங்கி மற்றும் ஆர்பிகோ இன்சூரன்ஸ் பங்குகளின் மீது சிறியளவிலான முதலீட்டாளர்களின் ஈடுபாடு பதிவாகியிருந்தது. இதேவேளை, வெளிநாட்டவர்கள் அதிகளவு பங்கு கொள்வனவில் ஈடுபட்டிருந்தனர்.   

செவ்வாய்க்கிழமை
அபவிசு நேர் பெறுமதியுடனும், ளுரூP ளுடு20 மறை பெறுமதியையும் பதிவு செய்து நிறைவடைந்திருந்தன. புரள்வு பெறுமதி 626 மில்லியன் ரூபாவாக பதிவாகியிருந்தது. உயர் தேறிய பெறுமதி வாய்ந்த நிறுவனசார் ஈடுபாடு கொமர்ஷல் வங்கி பங்குகளின் மீது பதிவாகியிருந்தது. கலப்பு ஈடுபாடு பீபிள்ஸ் லிசிங் அன்ட் ஃபினான்ஸ், சியெர்ரா கேபிள்ஸ் மற்றும் வலிபல் வன் ஆகிய பங்குகளின் மீது பதிவாகியிருந்தது. ஆர்பிகோ இன்சூரன்ஸ், செலான் வங்கி வாக்குரிமையற்ற பங்குகள் மற்றும் டயலொக் ஆக்;சியாடா பங்குகளின் மீது பதிவாகியிருந்தது. வெளிநாட்டவர்கள் அதிகளவு பங்கு விற்பனையில் ஈடுபட்டிருந்தனர்.

புதன்கிழமை
ஜோன் கீல்ஸ் ஹோல்டிங்ஸ், செவ்ரொன் லுப்ரிகன்ட்ஸ் மற்றும் டயலொக் ஆக்சியாடா ஆகியவற்றின் மீது விலைச்சரிவுகள் பதிவாகியிருந்தமை காரணமாக சுட்டிகள் மறைபெறுமதிகளை பதிவு செய்திருந்தன. புரள்வு பெறுமதி 796 மில்லியன் ரூபாவாக பதிவாகியிருந்தது. உயர் தேறிய பெறுமதி வாய்ந்த நிறுவனசார் ஈடுபாடு நேஷன்ஸ் ட்ரஸ்ட் வங்கி, தேசிய அபிவிருத்தி வங்கி, அனிலானா ஹோட்டல்ஸ் அன்ட் புரொர்ப்பர்டீஸ் மற்றும் அக்சஸ் என்ஜினியரிங் ஆகியவற்றின் மீது பதிவாகியிருந்தது. கலப்பு ஈடுபாடு என்பது MTD வோல்கர்ஸ் பங்குகளின் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு லங்கா ஐஓசி, அமானா டகாஃபுல் மற்றும் MTD வோல்கர்ஸ் உரிமை பங்குகளின் மீது பதிவாகியிருந்தது. வெளிநாட்டவர்கள் பங்கு கொள்வனவில் பெருமளவில் ஈடுபட்டிருந்தனர்.

வியாழக்கிழமை
அபவிசு மற்றும் S&P SL20 ஆகியன நேர் பெறுமதிகளை பதிவு செய்து நிறைவடைந்திருந்தன. புரள்வு பெறுமதி 1.1 பில்லியன் ரூபாவை கடந்திருந்தது. கொமர்ஷல் வங்கி, ஹற்றன் நஷனல் வங்கி மற்றும் டிஸ்டிலரீஸ் போன்ற பங்குகளின் மீது சந்திப்புகள் பதிவாகியிருந்தன. யூனியன் வங்கி, டயலொக் ஆக்சியாடா மற்றும் பீபிள்ஸ் லீசிங் அன்ட் ஃபினான்ஸ் பங்குகளின் மீது கலப்பு ஈடுபாடு பதிவாகியிருந்தது. சிறியளவிலான முதலீட்டாளர்களின் ஈடுபாடு டெக்ஸ்ச்சர்ட் ஜேர்சி லங்கா, பிரவுண்ஸ் இன்வெஸ்ட்மன்ட்ஸ் மற்றும் பிரமல் கிளாஸ் ஆகியவற்றின் மீது பதிவாகியிருந்தது. வெளிநாட்டவர்களின் ஈடுபாடு அதிகளவு பங்கு கொள்வனவில் பதிவாகியிருந்தது.

வெள்ளிக்கிழமை
கார்சன்ஸ் கம்பர்பெட்ச், ஜோன் கீல்ஸ் ஹோல்டிங்ஸ் மற்றும் புக்கிட்தாரா போன்ற பங்குகளின் பங்களிப்புடன் பங்குச்சந்தை மறைபெறுமதியில் நிறைவடைந்திருந்தது. புரள்வு பெறுமதி 987 மில்லியன் ரூபாவை பதிவு செய்திருந்தது. ஜோன் கீல்ஸ் ஹோல்டிங்;ஸ், டிஸ்டிலரீஸ் மற்றும் டயலொக் ஆக்சியாடா ஆகியவற்றின் மீது சந்திப்புகள் பதிவாகியிருந்தன. கலப்பு ஈடுபாடு என்பது லங்கா ஐஓசி, சியெர்ரா கேபிள்ஸ் மற்றும் அக்சஸ் என்ஜினியரிங் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு டெக்ஸ்ச்சர்ட் ஜேர்சி லங்கா, ஆர்பிகோ இன்சூரன்ஸ் மற்றும் யூனியன் வங்கி பங்குகளின் மீது பதிவாகியிருந்தது. இதேவேளை, வெளிநாட்டவர்கள் பங்கு விற்பனையில் ஈடுபட்டிருந்தனர்.

கடந்த வார கொடுக்கல் வாங்கல் நடவடிக்கைகளில் கலாமசூ, சிலோன் பிரின்டர்ஸ், பிரின்ட்கெயார் பிஎல்சி, கொன்வினியன்ஸ் பூட்ஸ் மற்றும் ஷலீமர் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

செரன்டிப் என்ஜி. கோர்ப், பிசி ஹவுஸ், சிட்ரஸ் லெய்ஷர் (உரிமை), அஸ்கொட் ஹோல்டிங்ஸ் மற்றும் சிட்ரஸ் கல்பிட்டிய போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

தங்கம் விலை நிலைவரம்
கடந்த வாரம் 24 கெரட் தங்கத்தின் சராசரி விலை 46,500 ரூபாவாகவும், 22 கெரட் தங்கத்தின் விலை 44,200 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

நாணய மாற்று விகிதம்
கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 134.25 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 202.31 ஆக காணப்பட்டிருந்தது.