இராணுவ சீருடையுடன் மனித எச்சங்கள் கண்டுபிடிப்பு

-சுப்பிரமணியம் பாஸ்கரன்

கிளிநொச்சி - விளாவோடை வயல் பகுதியில் இருந்து,இன்று (05), இராணுவ சீருடையுடன் மனித எச்சங்கள் சில அடையாளம் காணப்பட்டுள்ளன.

குறித்த வயல் காணியை சீரமைத்த காணி உரிமையாளர் எச்சங்கள் இருப்பதை அவதானித்து,  அது தொடர்பில்,  கிளிநொச்சி பொலிஸாருக்கு தகவல் வழங்கியுள்ளார்.

இதையடுத்து, ஸ்தலத்துக்கு விரைந்த பொலிஸார், குறித்த எச்சங்களை கிளிநொச்சி மாவட்ட நீதிமன்ற நீதிபதி பார்வையிட்ட பின்னர் அகற்ற நடவடிக்கை எடுக்கப்படும் என்று தெரிவித்தனர்.

போர் காலத்தில் உயிரிழந்தவரின் சடலமாக இது இருக்கலாமென, பொலிஸார் சந்தேகிக்கின்றனர்.