கச்சதீவு வருடாந்தத் திருவிழா; 6ஆதி திகதி பஸ், படகு சேவைகள் ஆரம்பம்

எஸ்.குகன்

கச்சதீவு புனித அந்தோனியார்  தேவாலய வருடாந்தத் திருவிழாவை முன்னிட்டு இலங்கைப் போக்குவரத்துச் சபை, தனியார் போக்குவரத்து பஸ்கள் மற்றும் படகு சேவைகளானது, மார்ச் 6ஆம் திகதியிலிருந்து ஆரம்பமாகவுள்ளன.

இதற்கமைய, இலங்கைப் போக்குவரத்துச் சபை, தனியார் போக்குவரத்து பஸ் சேவைகளானது, அதிகாலை 5 மணி தொடக்கம் முற்பகல் 10 மணிவரை யாழ்ப்பாணத்தில் இருந்து குறிகட்டுவான் வரை இடம்பெறும்

அத்துடன், படகு சேவையானது, அதிகாலை 6 மணி தொடக்கம் நண்பகல் 12 மணி வரை, குறிகட்டுவானில் இருந்து கச்சதீவு வரை இடம்பெறும்.

குறிகட்டுவானில் இருந்து கச்சதீவுக்கு ஒரு வழிக் கட்டணமாக 325 ரூபாயும் நெடுந்தீவில் இருந்து கச்சதீவுக்கு ஒரு வழிக் கட்டணமாக 250 ரூபாயும் அறவிடப்படவுள்ளமை குறிப்பிடத்தக்கது.