கிராம ரீதியான எரிபொருள் விநியோகம் முன்னெடுப்பு

லெம்பர்ட்

மன்னார் நகர பிரதேச செயலக பிரிவுக்குட்பட்ட கிராமங்களுக்கு இன்று காலை முதல்  எரிபொருள் அட்டையின் ஊடாக எரிபொருளை விநியோகிக்கும் நடவடிக்கை  இடம்பெற்று வருகின்றது.

மன்னார் தலைமன்னார் பிரதான வீதியில் அமைந்துள்ள IOC  எரிபொருள் நிரப்பு நிலையத்தில் மாவட்ட செயலகத்தின் ஒழுங்கமைப்பில் பிரதேச செயலகத்தின்  கண்காணிப்பில் எரிபொருள் சுமுகமான முறையில் வழங்கப்பட்டு வருகின்றது.

அதன் அடிப்படையில் மோட்டார் சைக்கிள்களுக்கு 2,000 ரூபாய்க்கும், முச்சக்கர வண்டிக்கு 2,500 ரூபாய்க்கும் , கார்களுக்கு 5,000 ரூபாய்க்கும் பங்கீட்டு அடிப்படையில் வழங்கப்பட்டு வருகின்றது.

இன்றைய தினம் வழங்கப்படாத கிராமங்களுக்கு அடுத்தகட்ட எரிபொருள் வளங்களின் போது வழங்குவதற்கு ஏற்பாடுகள் மேற்கொள்ளப்பட்டுள்ளது. .(R)