கிளிநொச்சி பொதுச்சந்தையில் 8 கடைகளில் திருட்டு

கிளிநொச்சி பொதுச்சந்தையில் 8 கடைகள் நேற்று (06) இரவு உடைக்கப்பட்டு திருடப்பட்டுள்ளதாக கிளிநொச்சி பொலிஸ் நிலையத்தில் முறைப்பாடு செய்யப்பட்டுள்ளது.

குறித்த பகுதியில் தமது வர்த்தக நடவடிக்கைகளை முடித்துக்கொண்டு வர்த்தகர்கள் வீடு திரும்பிய பின்னர் குறித்த சம்பவம் இடம்பெற்றுள்ளதாக பொலிஸார் தெரிவித்தனர்.

பொதுச் சந்தையில் உள்ள தற்காலிக கடைகளிலேயே குறித்த சம்பவம் இடம்பெற்றது. சம்பவம் தொடர்பான விசாரணைகளை கிளிநொச்சி பொலிஸார் மேற்கொண்டு வருகின்றனர்.