தமிழரசுக் கட்சி உறுப்பினர் மீது தாக்குதல்

-சுப்பிரமணியம் பாஸ்கரன்

கிளிநொச்சி  பொதுச்சந்தை வர்த்தகரும் இலங்கை தமிழரசுக் கட்சியின் மத்திய செயற்குழு உறுப்பினருமான கருப்பையா ஜெயக்குமார், தாக்குதலுக்கு இலக்கான நிலையில், கிளிநொச்சி மாவட்ட பொது வைத்தியசாலையில் அனுமதிக்கப்பட்டுள்ளார்.

இச்சம்பவம், நேற்று (02) மாலை இடம்பெற்றுள்ளது.

சுயேட்சைக் குழுவைச் சேர்ந்த கரைச்சி பிரதேச சபை உறுப்பினர் ஒருவரும் அவரது சகோதரரும்  முன்னாள் நாடாளுமன்ற உறுப்பினர் ஒருவரின் ஆதரவாளருமே, தன்னைத் தாக்கியதாக, தாக்குதலுக்கு இலக்கான கருப்பையா ஜெயக்குமார், தனது வாக்குமூலத்தில் தெரிவித்தார்.

இது தொடர்பில்,  கிளிநொச்சி பொலிஸார் விசாரணைகளை முன்னெடுத்து வருகின்றனர்.