திருமலையில் கைதான இளைஞனின் வீட்டில் இருந்து வெடிபொருள்கள் மீட்பு

-மு.தமிழ்ச்செல்வன்

திருமலையில், வௌ்ளிக்கிழமை (11) இரவு கைதான கிளிநொச்சி – அம்பாள்குளம் பகுதியைச் சேர்ந்த இளைஞனின் வீட்டிலிருந்து, நேற்று (12) வெடிபொருள்களும் கருவிகளும் மீட்கப்பட்டுள்ளன.

முன்னால் போராளியான குறித்த இளைஞனிடம் மேற்கொள்ளப்பட்ட விசாரணைகளின் அடிப்படையில், கிளிநொச்சி - அம்பாள்குளத்தில் அமைந்துள்ள இளைஞனின் வீட்டை கிளிநொச்சி பொலிஸாரும் விசேட அதிரடிப்படையினரும் இணைந்து மேற்கொண்ட சோதனை நடவடிக்கையின் போதே, இந்த வெடிபொருள்களும் கருவிகளும் மீட்கப்பட்டுள்ளன.

இதன் போது ​டி56 ரக துப்பாக்கி - 1, சிறிய ரக துப்பாக்கிகள் - 3, கைக்குண்டுகள் - 5, டி57 துப்பாக்கி ரவைகள் - 154, சிறிய ரக துப்பாக்கி ரவைகள் - 45, மடிக் கணினி - 1, அலைபேசிகள் - 4, எம் கே.எம் ஜி ரவைகள் -6, வெடிப்பு கருவிக்கான வயர்கள், வெடிப்பு கருவிகள் - 4, ஜிபிஎஸ் - 1, தானியக்கிகள், கமெரா உள்ளிட்ட பொருள்கள் மீட்கப்பட்டுள்ளன.