நொச்சிமுனையில் 162 கிலோ மஞ்சள் மீட்பு

-மு.தமிழ்ச்செல்வன்

கிளிநொச்சி முழங்காவில் பொலிஸ் பிரிவுக்குட்பட்ட நொச்சிமுனை பகுதியில்,
162 கிலோகிராம் மஞ்சள், நேற்று மீட்கப்பட்டுள்ளது.

இராணுவ புலனாய்வு பிரிவினருக்கு கிடைத்த இரகசிய தகவலையடுத்து, நொச்சிமுனை  கடற்கரையில் இருந்து நான்கு சாக்கு மூடைகளில் கொண்டு செல்வதற்கு  தயார்  நிலையில்  இருந்த போதே, இந்த மஞ்சள் தொகை மீட்கப்பட்டுள்ளது.

இதையடுத்து,  சம்பவத்துடன் தொடர்புடையவர் என சந்தேகத்தின் பேரில்,  நொச்சிமுனையை சேர்ந்த 39 வயதான ஒருவரையும்  அன்புரத்தைச் சேர்ந்த 22 வயதான இளைஞன் ஒருவரையும் பொலிஸார் கைது செய்துள்ளனர்.

 சந்தேக நபர்கள்  கிளிநொச்சி நீதிமன்றில் முன்னிலைப்படுத்தப்படவுள்ளனர்.

குறித்த சம்பவம் தொடர்பில் முழங்காவில் பொலிஸார் விசாரணைகளை மேற்கொண்டு வருகின்றனர்.