நீதிமன்ற வளாகத்துக்குள் ஒழுங்கீனமாக நடந்து கொண்டவருக்கு சிறை

-சுப்பிரமணியம் பாஸ்கரன்
 
மதுபோதையில் கிளிநொச்சி நீதவான் நீதிமன்ற வளாகத்துக்குள் நுழைந்து ஒழுங்கீனமாக நடந்து கொண்டவருக்கு ஒருவருட கடூழிய சிறைத்தண்டனை விதித்து கிளிநொச்சி நீதவான் நீதிமன்ற நீதவான் எம்.ஐ.வகாப்தீன், நேற்று திங்கட்கிழமை (07) உத்தரவிட்டார்.
 
கடந்த வியாழக்கிழமை (03) கிளிநொச்சி நீதவான் நீதிமன்ற வளாகத்துக்குள் வழக்குகள் நடைபெற்றுக் கொண்டிருந்த வேளை, மதுபோதையில் சென்று பொலிஸார் மற்றும் சட்டத்தரணிகள் ஆகியோரை தகாத வார்த்தைகளால் ஏசி குழப்பம் விளைவித்த ஒருவரை நீதிமன்ற கடமையில் இருந்த கிளிநொச்சிப் பொலிஸார் கைது செய்து கிளிநொச்சி நீதவான் நீதிமன்ற நீதவான் முன்னிலையில் ஆஜர்படுத்தியதையபோதே நீதவான் மேற்கண்டவாறு உத்தரவிட்டார்.