புதுக்குடியிருப்புக்கு 3,230 கிணறுகள் தேவை

செ.கீதாஞ்சன்

முல்லைத்தீவு - புதுக்குடியிருப்பு பிரதேசத்தில், 19 கிராம சேவகர் பிரிவுகளின் கீழ் உள்ள குடும்பங்களில் 3,230 குடும்பங்களுக்கு கிணறுகள் தேவையுள்ளனவென, புதுக்குடியிருப்பு பிரதேச புள்ளிவிவரங்கள் தெரிவிக்கின்றன.

14 ஆயிரத்து 52 குடும்பங்களைக் கொண்ட புதுக்குடியிருப்பு பிரதேசத்தில், மக்களுக்கான குடிநீர் தேவைகள் இன்றும் தொடர்கின்றது.

பல இடங்களில் மக்கள் குடிநீரைப் பெற்றுக்கொள்ள பெரும் சிரமங்களை எதிர்கொண்டு வருகின்றார்கள்.

மக்களின் கோரிக்கைக்கு அமைவாக, இந்த ஆண்டு 3,230 கிணறுகள் தேவைப்பாடாக உள்ளதெனவும், அந்தப் புள்ளிவிவரத் தகவல்கள் மேலும் தெரிவிக்கின்றன.