பொலிஸ் உத்தியோகத்தருக்கு கொரோனா

-செ.கீதாஞ்சன்

முல்லைத்தீவு - முள்ளியவளை பொலிஸ் நிலையத்தில் கடமையாற்றும் அநுராதபுரம் - கெப்பட்டிக்கொலாவ பகுதியைச் சேர்ந்த பொலிஸ் உத்தியோகத்தர் ஒருவருக்கு கொரோனா தொற்று இருப்பது உறுதிப்படுத்தப்பட்டுள்ளது.

முள்ளியவளை பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவர் சுகயீனம் காரணமாக கடந்த 26ஆம் திகதியன்று முல்லைத்தீவு மாவட்ட வைத்தியசாலையில்; அனுமதிக்கப்பட்டுள்ளார்.

இந்நிலையில், மறுநாள் (27) அவருக்கு பி.சி.ஆர் பரிசோதனைகள் மேற்கொள்ளப்பட்டுள்ளன. அதன் முடிவு, நேற்று  (28) இரவு வெளியாகியதில், அதில் இவருககு தாற்று உறுதி செய்யப்பட்டுள்ளது.

இவருடன் தொடர்பினை பேணிய ஏனைய உத்தியோகத்தர்களை தனிமைப்படுத்தும் நடவடிக்கை முன்னெடுக்கப்பட்டுள்ளது.