முதிரைக் குற்றிகளுடன் இருவர் கைது

-எஸ்.என்.நிபோஜன், சுப்பிரமணியம் பாஸ்கரன்

கிளிநொச்சி – பூநகரி பிரதேச செயலகத்துக்குட்பட்ட  காட்டுப் பகுதியில், சட்டத்துக்கு முரணாக வெட்டப்பட்ட முதிரைக் குற்றிகளைக் கடத்த முயன்ற இருவரை, பூநகரி பொலிஸார், இன்று (27) காலை கைதுசெய்துள்ளனர்.

இவ்வாறு கைதுசெய்யப்பட்டவர்களிடம் இருந்து, 3 இலட்சம் ரூபாய் பெறுமதியான முதிரைக் குற்றிகள் மீட்கப்பட்டன.

குறித்த முதிரைக் குற்றிகளை, சங்குபிட்டி பாலத்தின் ஊடாக யாழ்ப்பாணத்துக்கு கடத்த முற்பட்டபோதே, சந்தேக நபர்கள் கைதுசெய்யப்பட்டதாக, பொலிஸார் தெரிவித்தனர்.