மேம்பாலம் அமைப்பதற்கு நிதி தேவை

-சுப்பிரமணியம் பாஸ்கரன்

முல்லைத்தீவு, பாண்டியன்குளம் சிவபுரம் வீதியின்   தாழ்பாலத்துக்கு  பதிலாக மேம்பாலம் அமைப்பதற்கு 20 மில்லியன் ரூபாய் நிதி தேவை என மதிப்பிடப்பட்டுள்ளது

பாண்டியன்குளம், நட்டாங்கண்டல் ஆகிய பகுதிகளுக்கான பிரதான வீதியாகக் காணப்படும் சிவபுரம் பாண்டியன்குளம் வீதியில், சிவபுரம் ஆற்றில் காணப்படுகின்ற தாழ்பாலம் கடுமையாக சேதமடைந்து காணப்படுகின்றது.

இந்நிலையில் இதற்கான புதிய பாலத்தை அமைக்குமாறு பிரதேச மக்கள் கோரிக்கை விடுத்து வருகின்றனர்.

இந்த பாலத்துக்கு பதிலாக மேம்பாலம் அமைப்பதற்கு கிட்டத்தட்ட 20 மில்லியன் ரூபாய்  நிதி தேவைப்படுவதாக மாந்தை கிழக்கு பிரதேச சபையால் மதிப்பீடு செய்யப்பட்டுள்ளது.