கிளிநொச்சியில் 20 பேருக்கு செயற்கை கைகள்

- சுப்பிரமணியம் பாஸ்கரன்

யுத்தம் காரணமாக கைகளை இழந்த 20 பேருக்கு நவீன முறையிலான செயற்கைக் கைகள் பொருத்தும் நடவடிக்கை கிளிநொச்சி பிராந்திய சுகாதார சேவைகள் பணிப்பாளர் பணிமனையில்  ஞாயிற்றுக்கிழமை (14) நடைபெற்றது.

கிளிநொச்சி; றோட்டரிக் கழகத்தின் தலைவர் மருத்துவர் த.சத்தியமூர்த்தியின் முயற்சியால் இந்தப் பணி முன்னெடுக்கப்பட்டுள்ளது.

ஒவ்வொரு கையும் தலா 400 அமெரிக்க டொலர் பெறுமதியுடையது. சாதாரண கைகளால் செய்யக்கூடிய வேலைகளில் அதிகபட்சமான வேலைகளை இந்தச் செயற்கை மூலமும் செய்ய முடியும் என ஏற்பாட்டாளர்கள் கூறினர்.