மாற்றுவழிகளில் சிந்தனைகளை ஏற்றுக

முரண்பாட்டுக் கொள்கைகளை வேடிக்கையாக எடுத்துக் கொள்ளமுடியாது. பலர் கூறுவது எல்லாமே நியாயமும் ஆகாது. சிலர் பேசும் ​முறையில் எமக்கு ஒத்துவராது விடினும், அதனை ஏன் நாங்கள் மீள் பரிசோதனை செய்யகூடாது என எண்ணுதல் நல்லது. 

முரண்பாட்டுக் கொள்கைகள் பல உண்மைகளைத் திறந்து கொள்கின்றது. நீங்கள் எல்லோரும் எது எதனை உண்மை என நம்புகின்றீர்களோ அவை மெத்தப்பிழையாக ஏன் இருக்கமுடியாது? உண்மைக்குள் பொய் புகுந்திடாது. பொய்க்குள்ளும் உண்மையில்லை. 

முரண்பாடுகளை உடன்பாடாக ஏற்கும் மனப்பக்குவத்தை ஏற்பது கடினம்தான். ஆனால் எது சரி, எது பிழை? என்று உணர நாம் ஒரு வழியால் மட்டுமே சிந்திகலாகாது.  

மாற்றுவழிகளில் சிந்தனைகளை ஏற்றுக. புதியன பிறக்க இது வழிகோலும். இதற்கு நிதானம் அவசியம்.  

வாழ்வியல் தரிசனம் 02/01/2017

பருத்தியூர் பால – வயிரவநாதன்