கரணமடித்த நிலையில் 3.5 கி.மீ தூரத்தைக் கடந்த குங்பூ கலைஞர்

சீனாவைச் சேர்ந்த குங்பூ கலைஞர் ஒருவர் மூன்றரை  கிலோ மீற்றர் தூரத்தை கரணம் அடித்த நிலையிலேயே கடந்து சென்று பார்வையாளர்களை ஆச்சரயத்தில் ஆழ்த்தியுள்ளார்.

ஹு ஜெய்காய் (வயது 47) என்பவரே இவ்வாறு சீனாவின் சாங்கஸா நகர வீதியில் கரணம் அடித்த நிலையில் 3.5 கிலோமீற்றர் தூரத்தை கடந்து சென்றுள்ளார்.

முழுமையான குங்பூ ஆடை அணிந்திருந்த ஹு ஜெய்காய், குங்பூ ஜாம்பவானான பூருஸ் லீ போன்று தோற்றமளித்தார். அவரின் சாகசங்கள் பெரும் எண்ணிக்கையானோரை ஈர்த்தன.

ஹு ஜெய்காய் 3.5 கிலோமீற்றர் தூரத்தை  சுமார் ஒரு மணி நேரத்திற்குள் நிறைவு செய்தார்.  ஆரம்பித்தது முதல் இறுதிவரை அவர் ஒரு இடத்திலும் நிற்கவில்லை என்பது குறிப்பிடத்தக்கது.

இச்சாகசத்தின்போது ஹு ஜெய்காய்க்கு  பாதுகாப்பாக அவரின் மைத்துனர் நடந்துசென்றார்.

சாதாரண மனிதன் நடப்பதைவிட விட ஹு ஜெய்காய் கரணம் அடித்து வேகமாக செல்வார் என அவரின் மைத்துனர் கூறியுள்ளார்.