கடமை நேரத்தில் ஆபாசப்படங்களில் நடித்த பொலிஸார் நெருக்கடியில்

அமெரிக்காவில் கடமை நேரத்தில் ஆபாச படங்களில் நடித்த குற்றச்சாட்டுக்குள்ளான போக்குவரத்துத்துறை பொலிஸார் இருவர் சேவையிலிருந்து விலக்கப்படும் ஆபத்தை எதிர்நோக்குகின்றனர்.

லொஸ் ஏஞ்சல்ஸ் நகரைச் சேர்ந்த, இந்த ஆண் பொலிஸ் உத்தியோகஸ்தர்கள் இருவரும் பட்டப்பகலில்  நடிகையொருவரை தழுவிய வண்ணம் அப்படத்தில் காணப்படுகின்றனராம்.

கடந்த ஜனவரி மாதம் மேற்படி ஆபாசப்படத்திலிருந்து எடுக்கப்பட்ட புகைப்படங்களை லொஞ் ஏஞ்சல்ஸ் போக்குவரத்து பொலிஸ் பிரிவுக்கு தொலைக்காட்சி நிறுவனமொன்று வழங்கியதன் மூலம் இவ்விடயம் முதலில் வெளியாகியது.

அப்படங்களில் தென்படும் வாகனம் தமக்குரியதாக தோன்றுகின்ற போதிலும் அந்நபர்கள் யார் என்பதை அடையாளம் காண்பது சிரமமாகவுள்ளதாக அவ்வேளையில் அதிகாரிகள் தெரிவித்தனர்.

ஆனால் இப்போது மேற்படி ஆபாசப்படம் இணையத்தளங்களில் வெளியாகியுள்ளதாக மற்றொரு தொலைக்காட்சி அறிவித்துள்ளது. அதையடுத்து குறித்த நபர்கள் இனங்காணப்பட்டு விசாரணைகள் மேற்கொள்ளப்படுகின்றன. "தற்போது இரு உத்தியோகஸ்தர்களும் நிர்வாகப் பிரிவுக்கு மாற்றப்பட்டுள்ளனர். இது தொடர்பான விசாரணைகளுக்க ஒத்துழைப்பதாக அனைவரும் உறுதியளித்துள்ளனர் என" லொஸ் ஏஞ்சல்ஸ் போக்குவரத்து பொலிஸ் திணைக்களத்தின் பேச்சாளர் ஒருவர் கூறியுள்ளார்.