குமிழிக்குள் நின்றவாறு கடலில் நடக்க முயன்ற நீச்சலுடை மங்கை (வீடியோ)

பாரிய குமிழியொன்றுக்குள் நின்றவாறு நீச்சலுடை மங்கையொருவர் கடலில் நடக்க முயன்ற காட்சிகள் அடங்கிய வீடியோ இணையத்தளங்களில் வெளியாகி லட்சக்கணக்கானோரை ஈர்த்துள்ளது.

அப்பெண் மிகப் பெரிய பந்துபோன்ற குமிழியொன்றுக்குள் இருந்தவாறு கடற்கரையிலும் கடல்நீரிலும் சில அடிகளை எடுத்து வைத்தார். ஆனால், அதன்பின் சில விநாடிகளில் அவர் தனது சமநிலைத் தன்மையை இழந்து விழுந்தார்.

பல தடவை அவர் மீண்டும் எழுந்து நடக்க முயன்ற போதிலும் அதில் அவர் தோல்வியுற்றார். அவரின் அபத்தமான நடவடிக்கைகளை அவதானித்துக்கொண்டிருந்த பார்வையாளர்களின் பரிகாசச் சிரிப்புக்கும் அப்பெண் ஆளானார்.
இறுதியில் அவர் தனது முயற்சிகளை கைவிட்டவுடன் உதவியாளர்கள் அவருக்கு உதவ விரைந்தனர்.

ஆனால் இக்காட்சியில் தோன்றியவர் யார், அக்காட்சி எங்கே படமாக்கப்பட்டது என்பது குறித்த தகவல்கள் வெளியிடப்படவில்லை.

எனினும் இக்காட்சி யூடியுப் மட்டுமன்றி பல இணையத்தளங்களில் வெளியாகியுள்ளதுடன் லட்சக்கணக்கானோர் அக்காட்சியை பார்வையிட்டுள்ளனர்.