இந்தியா - இலங்கை சுற்றுலா மாநாடு 2025

இந்திய துணைத் தூதரகம், யாழ்ப்பாணத்தில்புதன்கிழமை (18) அன்று யாழ்ப்பாணம் திருவள்ளுவர் கலாச்சார மையத்தில் சுற்றுலா மாநாடு 2025 ல் கலப்பு முறையில் (நேரடியாகவும் ஆன்லைனாகவும்) வெற்றிகரமாக ஏற்பாடு செய்தது.

இந்த மாநாடு, பங்குதாரர்களிடையே கலந்துரையாடல்களை செயல்படுத்துவதன் மூலம், தகவல்களை பரிமாறிக் கொள்வதற்கு, சுற்றுலா மேம்பாட்டு முயற்சிகளை ஆதரிப்பதன் மூலம் இந்தியாவிற்கும் இலங்கையின் வட மாகாணத்திற்கு இடையிலான சுற்றுலாவை மேம்படுத்துவதை நோக்கமாகக் கொண்டது.

2. இந்த மாநாட்டை இந்திய துணைத் தூதுவர்,  சாய் முரளி மற்றும் வட மாகாண சுற்றுலா பணியகத்தின் தலைவர் அ. பத்திநாதன் ஆகியோர் இணைந்து தொடங்கி வைத்தார்.  தனது தொடக்க உரையில், இந்திய துணைத் தூதுவர் சாய் முரளி, இந்தியாவையும் இலங்கையையும் இயற்கையாகவே இணைக்கும் வரலாற்று, கலாச்சார மற்றும் புவியியல் ரீதியான அண்மைத்தன்மையை வலியுறுத்தினார். 

இது இருதரப்பு உறவில் சுற்றுலாவை ஒரு முக்கிய அங்கமாக இருக்கிறது என்றார். இணைப்பு என்பது சுற்றுலாவின் அடிப்படையாக அமைகிறது என்று குறிப்பிட்ட அவர், சமீபத்தில் மீண்டும் தொடங்கப்பட்ட நாகப்பட்டினம்-காங்கேசன்துறை படகு சேவை, சென்னை-யாழ்ப்பாணம் மற்றும் சென்னை-திருச்சி விமான இணைப்புகளின் முக்கியத்துவத்தை எடுத்துரைத்தார். 

இலங்கையின் சுற்றுலா மேம்பாட்டிற்கு இந்தியாவின் ஆதரவு மேலும் அடிக்கோடிட்டுக் காட்டிய துணைத் தூதுவர், அனைத்துப் பங்கேற்பாளர்களும் தீவிரமாகப் பங்கேற்கவும், சிறந்த நடைமுறைகளை பகிர்ந்து கொள்ளவும், இலங்கையின் வட மாகாணத்தின் முழு சுற்றுலா திறனையும் வெளிக்கொணர ஒத்துழைப்புக்கான புதிய வழிகளை ஆராயவும் ஊக்குவித்தார். 

3. இந்த மாநாட்டில், நாகப்பட்டினம் பிரதிநிதிகள் குழுவின் (தமிழ்நாடு) விளக்கக்காட்சிகள் இடம்பெற்றன. இது படகு இணைப்பு மூலம் சாத்தியமான சுற்றுலா ஒத்துழைப்பில் கவனம் செலுத்தியது.

இதைத் தொடர்ந்து,  பல்வேறு இந்திய மாநில மற்றும் யூனியன் பிரதேச சுற்றுலா வாரியங்களான தமிழ்நாடு, கேரளா, புதுச்சேரி, கர்நாடகா, ஆந்திரப் பிரதேசம் மற்றும் தெலுங்கானா ஆகியவற்றின் விரிவான விளக்கக்காட்சிகள், அந்தந்த சுற்றுலா நிலப்பரப்புகள் மற்றும் கூட்டுறவுக்கான வாய்ப்புகள் குறித்த நுண்ணறிவுகளை வழங்கின.

4. மேலும், மாநாட்டில் இந்திய சுற்றுலாத் துறையின் முக்கிய பிரமுகர்களின் அறிவு பகிர்வு விளக்கக்காட்சிகள் இடம்பெற்றன. தென்னிந்திய வர்த்தக சம்மேளனத்தின்(சுற்றுலா) தலைவர் திரு. சிகரன் பாலன், மாறிவரும் சுற்றுலாத் துறை மற்றும் அதன் சமீபத்திய போக்குகள் குறித்த நுண்ணறிவுகளை வழங்கினார். 

டிராவல் ஏஜென்ட்கள் அசோசியேஷன் ஆஃப் இந்தியாவின்(தென் பிராந்தியம்)தலைவர் டி. தேவகி, சுற்றுலாத் துறையில் தனது அனுபவத்தையும் சிறந்த நடைமுறைகளையும் பகிர்ந்து கொண்டார். இறுதியாக, இந்திய சுற்றுலா ஆபரேட்டர்கள் சங்கத்தின் (தமிழ்நாடு மற்றும் புதுச்சேரி) தலைவர் கே. பாண்டியன், உள்நாட்டு சுற்றுலாவை மேம்படுத்துவதற்காக மதிப்புமிக்க நுண்ணறிவுகளை வழங்கினார்.

ஏ.எச்.ஹஸ்பர் ஹஸ்பர்