தீ பரவலில் வீடு சேதம்

யாழ்ப்பாணத்தில் குப்பைக்கு வைத்த தீ, வீட்டில் பரவியதால்    வீடொன்று பகுதியளவில் சேதமடைந்துள்ளது. 

அரியாலை பகுதியில் உள்ள வீடொன்றில் வசிப்பவர்கள்  சனிக்கிழமை (17) அன்று வீட்டு வளவுக்குள் இருந்த குப்பைக்கு தீ வைத்து விட்டு , வெளியே சென்றுள்ளனர். 

இந்நிலையில் குறித்த தீ வீட்டின் கூரையில் பரவியுள்ளது.  இதனை அவதானித்த அயலவர்கள் விரைந்து செயற்பட்டு தீயை கட்டுப்பாட்டுக்குள் கொண்டு வந்துள்ளனர்.

இச் சம்பவத்தில் வீட்டின் ஒரு பகுதி தீயில் எரிந்து சேதமடைந்துள்ளது. 

நிதர்ஷன் வினோத்