மௌன பிரார்த்தனையும் மகஜர் கையளிப்பும்

தீஷான் அஹமட்

கிண்ணியா - குறிஞ்சாக்கேணி படகு விபத்தில் உயிரிழந்த பாடசாலை மாணவர்கள், பொதுமக்களுக்காக இன்று (25) மௌன பிரார்த்தனை நடைபெற்றது.

வெருகல் பிரதேச செயலாளர் பிரிவின் இலங்கைத்துறைப் பகுதியிலிருந்து இலங்கைத்துறை முகத்துவாரத்துக்கு பாடசாலை மாணவர்கள் பயணிக்கின்ற இழுவைப் பாதை படகு சேவை இடம்பெறும் இடத்திலேயே இப்பிரார்த்தனை நடைபெற்றது.

இலங்கைத்துறை பிரதேச பகுதி பாடசாலை மாணவர்கள், பெற்றார் சமூகத்தால் ஏற்பாடு செய்யப்பட்ட இந்த மௌன பிரார்த்தனையில், வெருகல் பிரதேச செயலாளர் எம்.எச்.எம்.கனி கலந்துகொண்டார்.

இதேவேளை, இலங்கைத் துறையிலிருந்து இலங்கைத்துறை முகத்துவாரத்துக்கான பாலம் ஒன்று அமைத்துத் தருமாறு, வெருகல் பிரதேச செயலாளரிடம் பிரதேச மக்கள் மகஜரையும் கையளித்தனர்.