கலைமகள் முன் பள்ளி பாலர் பாடசாலையின் வருடாந்த இல்ல விளையாட்டு போட்டி

(அப்துல் சலாம் யாசிம், எஸ்.எஸ்.குமார்)

திருகோணமலை கலைமகள் முன் பள்ளி பாலர் பாடசாலையின் வருடாந்த இல்ல விளையாட்டு போட்டி இன்று ஞாயிற்றுக்கிழமை மக்கேய்சர் விளையாட்டு மைதானத்தில் இடம்பெற்றது.

இந்நிகழ்வில் பிரதம விருந்தினராக இலங்கை செஞ்சிலுவை சங்கத்தின் தலைவரும் திருகோணமலை பொது வைத்தியசாலை வைத்திய அத்தியட்சகர் டாக்டர் ஈ.ஜி.ஞானகுணாளன் கலந்துகொண்டார்.

இந்நிகழ்வில் விநோத உடைப்போட்டி, சிறுவர்களின் உடற்பயிற்சி மற்றும் போத்தலில் தண்ணீர் நிரப்புதல் போன்ற நிகழ்வுகள் இடம்பெற்றது.

இதில் மாணவர்கள் மற்றும் பெற்றோர்கள் உட்பட பொதுமக்கள் கலந்துகொண்டனர்.