வவுனியாவில் 15 கைதிகள் விடுதலை

(ரி.விவேகராசா)

சிறைக் கைதிகள் தினத்தை முன்னிட்டு வவுனியா சிறைச்சாலையில் சிறுகுற்றங்களுக்காக தண்டனை அனுபவித்து வந்த ஆண், பெண் உள்ளிட 15 பேர் விடுதலை செய்யப்பட்டனர்.

இந்த நிகழ்வில் மாவட்ட நீதிவான் எம்.கணேசராசா பிரதம அதிதியாக கலந்து கொண்டார். நேற்று ஞாயிறு பிற்பகல் 2 மணியளவில் இந்த நிகழ்வு நடைபெற்றது. சட்டத்தரணிகள் சிறைச்சாலை அதிகாரிகளும் கலந்து கொண்டனர்.

சிறையில் உள்ள கைதிகளை மகிழ்ச்சி ஊட்டும் வகையில் இசை நிகழ்ச்சியும் ஏற்பாடு செய்யப்பட்டிருந்தது என பிரதம ஜெயிலர் சமந்த தசாநாயக்கா தெரிவித்தார்.