செவ்வாயில் உருளைக் கிழங்கு வீடு

செவ்வாய் கிரகத்தில் உருளைக்  கிழங்குகளைப் பயன்படுத்தி வீடுகளைக் கட்டமுடியுமென விஞ்ஞானிகள் தெரிவித்துள்ளனர்.

 பிரித்தானியாவில்  உள்ள மான்செஸ்டர் பல்கலைக்கழகத்தைச் சேர்நத விஞ்ஞானிகளே இதனைத் தெரிவித்துள்ளனர்.

குறித்த விஞ்ஞானிகள் சமீபத்தில் செவ்வாய் கிரகத்தில் கட்டமைப்புகளை உருவாக்கப் பயன்படும் ஸ்டார்க்ரீட் என்ற உருளைக்கிழங்கை அடிப்படையாக கொண்டு இக்கலவையை உருவாக்கியுள்ளனர்.

இதனுடன் விண்வெளித் தூசு, உப்பு மற்றும் உருளைக்கிழங்கின் மாச்சத்து போன்ற பொருட்களை இணைத்து வீடு கட்ட முடியும் எனவும் நம்பிக்கை தெரிவித்துள்ளனர்.

 இக் கலவை 32 மெகாபாஸ்கல்ஸ் என்ற அளவைக் கொண்ட வலிமையுடன் இருப்பதாகவும் ஆராய்ச்சியாளர்கள் தெரிவித்துள்ளமை குறிப்பிடத்தக்கது.