19ஆவது மாடியில் இருந்து தவறி விழுந்த மூதாட்டி (பதறவைக்கும் வீடியோ)

83 வயதான மூதாட்டியொருவர் 19 ஆவது மாடியில் இருந்து தவறி விழுந்து உயிர்பிழைத்த சம்பவம் சீனாவில் இடம் பெற்றுள்ளது.

சீனாவில் யாங்சூவில் உள்ள  அடுக்கு மாடிக் குடியிருப்பொன்றில் வசித்து வரும் குறித்த மூதாட்டி சம்பவ தினத்தன்று பல்கனியில் ஆடைகளை உலரவைத்துக் கொண்டிருந்ததாகக் கூறப்படுகின்றது.

இதன்போது எதிர்பாராத விதமாக பல்கனியில் இருந்து தவறி விழுந்த அவர்  17 ஆவது மாடியில் இருந்த துணிகள் உலரவைக்கப்படும் கயிற்றில் மாட்டிக் கொண்டார்.

இதனையடுத்து உடனடியாக சம்பவ இடத்திற்கு வந்த தீயணைப்புப் படை வீரர்கள், மூதாட்டியை காயம் எதுவும் இன்றி பத்திரமாக  மீட்டுள்ளதாகத் தெரிவிக்கப்பட்டுள்ளது.

இந்நிலையில் இது குறித்து வெளியான வீடியோவொன்றும் தற்போது இணையத்தில் வைரலாகி வருகின்றமை குறிப்பிடத்தக்கது.