மதூஷின் நெருங்கிய சகா கைது

மாக்கந்துர மதூஷ், கஞ்சிபான இம்ரான் ஆகிய பாதாளக் குழுவினருடன் நெருக்கமாக செயற்பட்ட, நபர் ஒருவர், அளுத்கம- தர்கா நகர பகுதியில் வைத்து கைதுசெய்யப்பட்டுள்ளார்.

நேற்று காலை 10.40 மணியளவில் முன்னெடுக்கப்பட்ட சுற்றிவளைப்பின் போது, சந்தேகநபர் கைதுசெய்யப்பட்டுள்ளார்.

கொழும்பு- குற்றப்புலனாய்வு பிரிவினரால் கைதுசெய்யப்பட்ட 36 வயதுடைய குறித்த சந்தேகநபர், கொலைகள் உள்ளிட்ட பல்வேறு குற்றச்சாட்டுகளுக்கு உதவி செய்துள்ளமை ஆரம்பக்கட்ட விசாரணைகள் மூலம் தெரியவந்துள்ளதாக பொலிஸார் தெரிவித்துள்ளனர்.