அமலாபாலின் பாய்ச்சல்

நடிகை அமலாபால் தமிழில் “அதோ அந்த பறவை போல” திரைப்படத்துக்கு பின்னர், கடாவர் என்ற திரைப்படத்தில் நடித்து முடித்துள்ளார். இதையடுத்து தெலுங்கு இணைய தொடரில் நடிக்கிறார்.

கன்னடத்தில் “யூ டர்ன்” திரைப்படம் மூலம் புகழ்பெற்ற இயக்குநர் பவன் குமார் இயக்கும், புதிய வெப் சீரிஸான குடி யெடமைதே என்ற வெப் சீரிஸில் முதன்மை கதாப்பாத்திரத்தில் நடிக்கிறார். 

த்ரில்லராக உருவாகும் இந்த தொடர் 8 பகுதிகளை கொண்டது. அமலா பால் ஜோடியாக ராகுல் விஜய் நடிக்கிறார். ஒரு பொலிஸ் அதிகாரிக்கும், டெலிவரி பையனுக்கும் நடக்கும் சம்பவங்களை அடிப்படையாகக் கொண்ட கதை இது.

அடுத்து நந்தினி ரெட்டி இயக்கும் தொடரிலும் அமலா பால் முதன்மை வேடத்தில் நடிக்கிறார். இந்தத் திரைப்படங்கள், தொடர்கள் தவிர ஜியோ ஸ்டுடியோஸ் மற்றும் விஸ்வேஷ் பிலிம்ஸ் நிறுவன தயாரிப்பில் பொலிவுட்டில் அமலாபால் அறிமுகமாகவுள்ளார்.