பிக்பாஸ் 8 இல் விஜய் சேதுபதி

பிக்பாஸ் 8-வது சீசனை நடிகர் விஜய் சேதுபதி தொகுத்து வழங்குவார் என அதிகாரபூர்வமாக அறிவிக்கப்பட்டுள்ளதுடன் இது தொடர்பான ப்ரொமோ வீடியோவும் வெளியிடப்பட்டுள்ளது.

கடந்த ஆகஸ்ட் 6-ம் தேதி, “சிறிய இடைவெளி எடுத்துக் கொள்கிறேன்.முந்தைய திரைப்படங்களின் கமிட்மென்ட் காரணமாக ‘பிக்பாஸ்’ தமிழ் நிகழ்ச்சியில் அடுத்து வரும் சீசனை என்னால் தொகுத்து வழங்க முடியவில்லை” என கூறி கமல்ஹாசன் தற்காலிகமாக விலகினார்.

அவரைத் தொடர்ந்து யார் பிக்பாஸ் நிகழ்ச்சியை தொகுத்து வழங்குவார்கள் என்ற எதிர்பார்ப்பு ரசிகர்களிடையே எழுந்திருந்த நிலையில், எதிர்வரும் பிக்பாஸ் சீசன் 8-ஐ நடிகர் விஜய் சேதுபதி தொகுத்து வழங்க உள்ளதாக அறிவிக்கப்பட்டுள்ளதுடன் ப்ரொமோ வீடியோவும் வெளியிடப்பட்டுள்ளது.