வசூலை அள்ளிக் குவிக்கும் மகரிஷி

வம்சி பைடிப்பள்ளி இயக்கத்தில், மகேஷ்பாபு, பூஜா ஹெக்டே, அல்லரி நரேஷ் மற்றும் பலர் நடித்த 'மகரிஷி' தெலுங்குத் திரைப்படம், கடந்த வாரம் உலகம் முழுவதும் வெளியானது.

கார்ப்பரேட், விவசாயம் இரண்டையும் மையப்படுத்திய இந்தத் திரைப்படத்தின் கதை, இரசிகர்களை வெகுவாகவே கவர்ந்துள்ளது. தெலுங்கு பேசும் இரண்டு மாநிலங்களில் மட்டும் இந்தத் திரைப்படத்தின் வசூல், 500 மில்லியனைக் கடந்துள்ளதாகச் சொல்லப்படுகிறது.

இந்நிலையில், திரைப்படத்தின் சக்சஸ் மீட், ஐதராபாத்தில் நடந்தது. அதில் கலந்துகொண்டு பேசிய மகேஷ் பாபு, “மகரிஷி” திரைப்படத்தின் கதையைக் கேட்டதுமே இது நிச்சயம் வெற்றிபெறும் என நம்பியதாகக் கூறியுள்ளார்.

இந்தத் திரைப்படத்தை, தமிழில் ரீமேக் செய்ய, இப்போதே பலர் ஐதராபாத் கிளம்பிவிட்டதாகத் தகவல் வெளியாகியுள்ளது.