விஜய் படத்தில் ’விக்ரம்’ நடிகை

’விக்ரம்’ படத்தில் கமல்ஹாசன் மற்றும் பகத் பாசில் உடன் ஒவ்வொரு காட்சியில் நடித்த நடிகை மாயா கிருஷ்ணன் தற்போது ’லியோ’ படத்தில் இணைந்துள்ளதாக தகவல் வெளியாகியுள்ளது.

மதுரையைச் சேர்ந்த மாயா கிருஷ்ணன் ஏற்கனவே ஒரு சில திரைப்படங்களில் சின்ன சின்ன கேரக்டர்களில் நடித்திருந்தாலும் ’விக்ரம்’ படம் தான் இவருக்கு ரசிகர்கள் மத்தியில் பிரபலம் பெற்று தந்தது.

’விக்ரம்’ படத்தில் விலைமாது கேரக்டரில் நடித்திருந்தாலும் அந்த கேரக்டரை லோகேஷ் கனகராஜ் சிறப்பாக வடிவமைத்திருந்தார். அதுதான் அவரது பாத்திரம் ரசிகர்கள் மத்தியில் பிரபலமானதற்கு காரணம் என்பது குறிப்பிடத்தக்கது.

இந்த நிலையில்  லோகேஷ் இயக்கி வரும் ’லியோ’ படத்திலும் மாயா கிருஷ்ணன் இணைந்துள்ளார். இதுகுறித்து அவர் தனது சமூக வலைத்தளத்தில் பதிவு செய்து, ‘லியோ’ படத்தில் நடிக்க வாய்ப்பு கொடுத்த லோகேஷ்க்கு எனது நன்றி என்றும் தளபதி விஜய் எப்போதும் தனக்கு ஸ்பெஷல் என்றும் பதிவு செய்துள்ளார்.