1 நிமிஷத்துக்கு 5 கோடி: ரூட்டை மாற்றிய நடிகை

தமிழ் திரையுலகின் 'லேடி சூப்பர்ஸ்டார்' என்று அழைக்கப்படும் நயன்தாரா, தனது பிரபலத்தை விளம்பர உலகிலும் பயன்படுத்தி வருகிறார். மலையாள சினிமாவில் இருந்து தமிழ், இந்தி, தெலுங்கு உள்ளிட்ட பல மொழி திரையுலகங்களில் ஆதிக்கம் செலுத்தி வரும் இவர், சமீபத்தில் ஒரு 50 வினாடி விளம்பர படத்தில் நடித்து ரூ.5 கோடி சம்பளம் வாங்கியதாக தகவல்கள் வெளியாகியுள்ளன.

இந்தத் தகவல் இன்னும் அதிகாரப்படி உறுதிப்படுத்தப்படவில்லை என்றாலும், நயன்தாராவின் சந்தை மதிப்பு தொடர்ந்து உயர்ந்து வருவதை இது உறுதிப்படுத்துகிறது.20 ஆண்டுகளுக்கும் மேலாக திரையுலகில் ஆட்சி புரிந்து வரும் நயன்தாரா, தமிழ் சினிமாவில் மட்டுமல்லாமல், மலையாளம், இந்தி, தெலுங்கு மொழிகளிலும் பல வெற்றி படங்களை அளித்துள்ளார்.

பாலிவுட்டில் ஷாரூக் கானின் 'ஜவான்' படத்தின் மூலம் அறிமுகமான இவர், அந்தத் துறையிலும் ரசிகர்களின் மனதில் இடம் பிடித்துள்ளார். இதன் மூலமாக, இவளது மார்க்கெட்டிங் மதிப்பு இன்னும் உயர்ந்துள்ளது. திருமணமாகி இரட்டை குழந்தைகளின் தாயாக இருந்தாலும், தொழில்முறை வாழ்க்கையில் ஏற்றத்தைத் தொடர்ந்து நயன்தாரா, விளம்பர படங்களிலும் தீவிரமாக ஈடுபட்டு வருகிறார்.

தமிழ் திரையுலகில் நடிகைகள் தங்களது படங்களின் மார்க்கெட்டிங் அடிப்படையில் சம்பளத்தை நிர்ணயிப்பது பொதுவானது. ஆனால், 50 வினாடிகள் மட்டுமே நீடிக்கும் ஒரு விளம்பரத்திற்கு ரூ.5 கோடி சம்பளம் வாங்கியது, நயன்தாராவின் பிரபலத்தின் உச்சத்தை வெளிப்படுத்துகிறது.

இந்த விளம்பரம் குறித்த விவரங்கள் இதுவரை வெளியாகவில்லை, ஆனால் திரையுலக வட்டாரங்களில் இது பரவலாகப் பேசப்பட்டு வருகிறது. மேலும், பல்வேறு தொழிலபதிபர்கள் நடிகை நயன்தாராவை தங்களுடைய நிறுவனத்தின் விளம்பரத்தில் நடிக்க வைக்க போட்டி போட்டு வருகிறார்களாம். தற்போது நயன்தாரா, தெலுங்கு சூப்பர்ஸ்டார் சிரஞ்சீவியுடன் இணைந்து 'மன சங்கர வர பிரசாத் கரு' என்ற படத்தில் நடித்து வருகிறார்.

இந்தப் படம் ரசிகர்களிடையே பெரும் எதிர்பார்ப்பை ஏற்படுத்தியுள்ளது. 20 ஆண்டுகளுக்கும் மேலாக டாப் நடிகையாகத் திகழும் நயன்தாரா, தனது திறமையாலும், தேர்ந்தெடுக்கும் கதாபாத்திரங்களாலும் திரையுலகில் தனி இடத்தைப் பெற்றுள்ளார்.

அவரது ரசிகர் பட்டாளம் ஆயிரக்கணக்கில் உள்ளது.நயன்தாராவின் இந்த வெற்றிப் பயணம், தென்னிந்திய சினிமாவில் பெண் நடிகர்களின் சம்பளம் மற்றும் சந்தை மதிப்பு உயர்ந்து வருவதற்கான சான்றாக அமைகிறது. அவரது அடுத்த படங்கள் மற்றும் விளம்பரங்கள் குறித்து மேலும் தகவல்கள் விரைவில் வெளியாகும் என எதிர்பார்க்கப்படுகிறது.