மனித சக்தியில் இயங்கும் நீர்மூழ்கி

புதிது புதிதாக எதையாவது கண்டுபிடிக்காவிட்டால் கண்டுபிடிப்பாளர்களுக்கு தூக்கமே வராது போலிருக்கிறது. உட்கார்ந்து யோசித்ததில் 'the Scubster' என்னும் புதித நீர்மூழ்கி ஒன்றினை கண்டுபிடித்திருக்கிறார்கள் பிரான்ஸில். இதில் என்ன விசேடமென்றால் சைக்கிள் மிதிப்பதுபோல் இந்த நீர்மூழ்கியினையும் மிதித்து இயக்க முடியும்.

நல்ல சுகதேகியாக இருந்தால் இந்த நீர்மூழ்கியினை ஒரு மணித்தியாலத்திற்கு 8 கிலோமீற்றர் என்ற விகிதத்தில் செலுத்த முடியும். சுமார் 6 மீற்றர் ஆழம்வரை செல்லவும் முடியும். 3.5 மீற்றர் நீளமான இந்த நீர்மூழ்கியில் இரண்டு துடுப்புகள் இருக்கின்றன. இவற்றினை எமது சக்தியினால் இயக்க முடியும்.

ஏனைய நீர்மூழ்கிகள் போல் முற்றாக மூடப்படாமல் இருப்பதால் இந்த நீர்மூழ்கியினை செலுத்தும்போது ஒக்ஸிசன் சிலிண்டர்களை பயன்படுத்த வேண்டும். இந்த அழகிய நீர்மூழ்கிக்கு ‘த ஸ்கப்டெர்’ என செல்லமாக பெயரிட்டிருக்கிறார்கள். ஜேம்ப் போன்ட் படங்களில் வருகின்ற படகுகள் போல் எதிர்காலத்தில் இந்த நீர்மூழ்கியை வடிவமைக்க விரும்புவதாக இதன் கண்டுபிடிப்பாளர்கள் குறிப்பிடுகிறார்கள்.