உணவுப்பொருட்கள் மூலம் எரிபொருள் தயாரிப்பதற்கு தீர்மானம்

பேஸ்ரிகள், பீஸ் போன்ற உணவுப் பொருட்களைப் பயன்படுத்தி வாகனங்களுக்கான எரிபொருளை தயாரிப்பதற்கு விஞ்ஞானிகள் தீர்மானித்துள்ளனர்.

பிரிட்டனின் லின்கன்ஷயர் பிராந்தியத்திலுள்ள கிறீன் கிறே நிறுவனத்தின் விஞ்ஞானிகளே இத்திட்டத்தை அறிவித்துள்ளனர்.

வீணாக்கப்படும் உணவுப் பொருட்களைக் கொண்டு உயிரியல் எரிபொருட்களை தயாரிக்கவுள்ளதாக இந்நிறுவனம் தெரிவித்துள்ளது.

பொதுவாக குப்பைக் கிடங்குகளில் கொட்டப்படும் மீதமாகிப்போன மற்றும் பழுதடைந்த  பேஸ்ரிகள், பொரியல் வகைகள், பீஸ் போன்றவற்றின் எண்ணெயை பயன்படுத்தி தயாரிக்கப்படும் உணவுப்பொருட்கள்  லின்கன்ஷயரிலுள்ள தொழிற்சாலையொன்றுக்கு கொண்டு செல்லப்பட்டு எரிபொருள் தயாரிக்கப்படவுள்ளதாக அறிவிக்கப்பட்டுள்ளது.

இந்த உணவுப் பொருட்களிலுள்ள சமையல் எண்ணெயை பிரித்தெடுத்து, அவற்றை மேலும் பதப்படுத்தி டீசலுடன் கலந்து வாகனங்களின் இயந்திரங்களை இயக்குவதற்கு பயன்படுத்த முடியும் என விஞ்ஞணிகள் தெரிவித்துள்ளனர்.

இத்திட்டத்திற்காக 50 மில்லியன் ஸ்ரேலிங் பவுண் முதலீடு செய்யப்பட்டுள்ளது.