வரலாற்றில் இன்று : ஜூன் 23

1942 : இரண்டாம் உலகப் போர் - முதன் முதலாக அவுஸ்வித்ஸ் வதை முகாமில், நச்சு வாயு அறையில் சேர்ப்பதற்காக முதல் தொகுதி யூதர்கள் பாரிசில் இருந்து ரயிலில் அனுப்பப்பட்டனர்.

1942 : இரண்டாம் உலகப் போர் - ஜேர்மனியின் போர் விமானம் வேல்சில் தரையிறங்கும் போது கைப்பற்றப்பட்டது.

1946 : கனடாவின் வான்கூவர் தீவில் நிலநடுக்கம் ஏற்பட்டது.

1960 : பத்திரிஸ் லுமும்பா கொங்கோ குடியரசின் மக்களால் தெரிவு செய்யப்பட்ட முதலாவது பிரதமர் ஆனார்.

1961 : பனிப்போர் - அண்டார்க்டிக்காவில் இராணுவ நடவடிக்கைகளைத் தடை செய்யும் அண்டார்டிக்கா ஒப்பந்தம் நடைமுறைக்கு வந்தது.

1980 : இந்திய அரசியல்வாதி சஞ்சய் காந்தி விமான விபத்தில் கொல்லப்பட்டார்.

1985 : அயர்லாந்தில் அட்லாண்டிக் கடலின் மேல் 9500 மீட்டர் உயரத்தில் பறந்து கொண்டிருந்த இந்தியாவின் போயிங் விமானத்தில் இடம்பெற்ற குண்டுவெடிப்பில், அதில் பயணம் செய்த 329 பேரும் கொல்லப்பட்டனர்.

2001 : பெருவின் தெற்கே இடம்பெற்ற 8.4 ஆற நிலநடுக்கம், மற்றும் ஆழிப்பேரலையால் 74 பேர் உயிரிழந்தனர்.

2010 : உலகத் தமிழ்ச் செம்மொழி மாநாடு கோயம்புத்தூரில் ஆரம்பமானது.

1924 : ரணசிங்க பிரேமதாசா, இலங்கை அரசுத்தலைவர் பிறந்த தினம்.

2023 -  டைட்டானிக் கப்பலை பார்க்கச் சென்று காணாமல் போனதாக கூறப்பட்ட, டைட்டன் நீர்மூழ்கிக் கப்பலில்              இருந்த 5 பயணிகளும் உயிரிழந்ததாக அமெரிக்க கடலோர காவல்படை தெரிவித்துள்ளது.