வரலாற்றில் இன்று: ​மே 14

1900: கோடைக்கால ஒலிம்பிக் விளையாட்டுக்கள் பாரிசில் ஆரம்பமாயின.

1931: சுவீடனில், தொழிற்சங்க உறுப்பினர்களின் ஆர்ப்பாட்டத்தைக் கலைக்க, பொலிஸார் துப்பாக்கிச்சூடு நடத்தியதில், 5 பொதுமக்கள் கொல்லப்பட்டனர்.

1939: பெருவைச் சேர்ந்த 5 வயது நிரம்பிய லீனா மெதினா, உலகின் முதலாவது வயதில் குறைந்த தாயாக அறிவிக்கப்பட்டார்.

1948: இஸ்ரேல், தன்னைத் தனிநாடாகப் பிரகடனப்படுத்தி, தற்காலிக அரசாங்கத்தையும் அறிவித்தது. இதனால், அரபு நாடுகள், இஸ்ரேலைத் தாக்கத் தொடங்கின. அரபு - இசுரேல் போர் ஆரம்பமானது.

1955: பனிப்போர் - சோவியத் ஒன்றியம் உட்பட எட்டு கம்யூனிச நாடுகள் இணைந்து, வார்சா உடன்பாடு எனப்படும் தற்காப்பு ஒப்பந்ததில் கையெழுத்திட்டன.

1965: இலங்கையில், ரோஹண வீஜயவீரவினால், மக்கள் விடுதலை முன்னணி என்னும் அரசியல் கட்சி ஆரம்பிக்கப்பட்டது.

1973: ஸ்கைலேப் என்ற ஐக்கிய அமெரிக்காவின் முதலாவது விண்வெளி நிலையம், விண்ணுக்கு ஏவப்பட்டது.

1976: யாழ்ப்பாணத்தின் வட்டுக்கோட்டையில் நடந்த தமிழர் விடுதலைக் கூட்டணியின் கட்சி மாநாட்டில்? தமிழீழப் பிரகடனம் வெளியிடப்பட்டது.

1988: ஐக்கிய அமெரிக்காவின் கென்டக்கி மாநிலத்தில் இடம்பெற்ற பஸ் விபத்தில், 27 பேர் உயிரிழந்தனர்.

2004: டென்மார்க்கின் முடிக்குரிய இளவரசர் பிரெட்ரிக், அவுஸ்திரேலியாவைச் சேர்ந்த "மேரி டொனால்ட்சன்" என்னும் பெண்ணைத் திருமணம் செய்துகொண்டார்.