100 மதுபானப் போத்தல்களுடன் இருவர் கைது

-எஸ்.ஜமால்டீன்

அக்கரைப்பற்று, ஆலையடிவேம்பு, சாகாமம் வீதியில் 100 மதுபானப் போத்தல்களை சட்டவிரோதமாகக் கொண்டு சென்ற இருவரை, நேற்று ஞாயிற்றுக்கிழமை (20) கைதுசெய்ததாக அக்கரைப்பற்றுப் பொலிஸார் தெரிவித்தனர்.  

ஆலையடிவேம்பு பிரதேசத்தில் இருந்து திருக்கோவில் விநாயகபுரம் பிரதேசத்துக்கும் பாலமுனை - திராய்க்கேணி பிரதேசத்துக்கும் கொண்டு செல்லும் போதே இவர்கள் கைதுசெய்யப்பட்டுள்ளனர். 
இவர்களிடம் இருந்து தலா 50 போத்தல்கள் கைப்பற்றப்பட்டதாக அக்கரைப்பற்றுப் பொலிஸார் தெரிவித்தனர்.  

சந்தேகநபர்கள் இருவரையும், அக்கரைப்பற்று நீதவான் நீதிமன்றத்தில் இன்று திங்கட்கிழமை (21) ஆஜர்படுத்தவுள்ளதாக அக்கரைப்பற்றுப் பொலிஸார் மேலும் தெரிவித்தனர்.