98 பேர் பல்கலைக்கழகம் செல்லும் வாய்ப்பு

எம்.எஸ்.எம்.ஸாகிர்

க.பொ.த. உயர்தரப் பரீட்சையில் கல்முனை மஹ்மூத் மகளிர் கல்லூரில் இருந்து 98 மாணவிகள் பல்கலைக்கழகம் செல்லும் வாய்ப்பில் உள்ளதாக கல்லூரியின் அதிபர் யூ.எல்.அமீன் தெரிவித்தார்.

கல்லூரியில் இருந்து இம்முறை உயிரியல் விஞ்ஞானப் பிரிவில் மருத்துவத்துறைக்கான வாய்ப்பு 11 பேருக்கும் ஏனைய துறைகளுக்கான வாய்ப்பு 31 பேருக்கும் பௌதீக விஞ்ஞானப் பிரிவில் பொறியியல் துறைக்கான வாய்ப்பு ஒருவருக்கும் ஏனைய துறைகளுக்கான வாய்ப்பு 12 பேருக்கும் தொழிநுட்ப பிரிவில் 06 பேருக்கும் வர்த்தகப் பிரிவில் 03 பேருக்கும் கலைத்துறைப்பிரிவில் சட்டத்துறைக்கான வாய்ப்பு ஒருவருக்கும் ஏனைய துறைகளுக்கான வாய்ப்பு 33 பேருக்கும் என மொத்தமாக 98 பேருக்கு பல்கலைக்கழகம் செல்வதற்கு இம்முறை வாய்ப்பு உள்ளதாக அதிபர் மேலும் தெரிவித்தார்.