அக்கரைப்பற்று பிரதேச கலாசார விழா

எம்.எல்.எஸ்.டீன்

அக்கரைப்பற்று பிரதேச கலாசார விழா, பிரதேச செயலகக் கேட்போர் கூடத்தில் எதிர்வரும் வெள்ளிக்கிழமை (22) பிற்பகல் 2.30 மணிக்கு நடைபெறவுள்ளது.

கலாசார அலுவல்கள் அமைச்சு, கலாசார அலுவல்கள் திணைக்களம் மற்றும் கிழக்கு மாகாண பண்பாட்டலுவல்கள் திணைக்களம் ஆகியவற்றின் அனுசரணையுடன், அக்கரைப்பற்று பிரதேச செயலக கலாசார பிரிவு இதனை ஏற்பாடு செய்துள்ளது.

அக்கரைப்பற்று பிரதேச செயலாளர் ஏ.எம்.அப்துல் லத்தீப் தலைமையில் இடம்பெறவுள்ள இவ்விழாவில் பிரதம அதிதியாக அம்பாறை மாவட்ட மேலதிக அரசாங்க அதிபர் கே.விமலநாதனும் கௌரவ அதிதியாக மாவட்ட பிரதம உள்ளக கணக்காய்வாளர் எம்.ஐ.எம்.முஸ்தபாவும்  கலந்துகொள்ளவுள்ளனர்.

இவ்விழாவில் கலைஞர்கள், எழுத்தாளர்கள் எனப் பலர் கௌரவிக்கப்படவுள்ளனர் என்பது குறிப்பிடத்தக்கது.