உணவகங்களில் திடீா் சுற்றிவளைப்பு

அம்பாறை, ஆலையடிவேம்பு சுகாதார வைத்திய அதிகாரி பிரதேசத்துக்குட்பட்ட உணவகங்கள், பலசரக்குக் கடைகள், சிற்றுண்டிச்சாலைகள் ஆகியவற்றில், சுகாதார அதிகாரிகள் நேற்று (27) மாலை, திடீர் சுற்றிவளைப்பை மேற்கொண்டனர்.
இச்சுற்றிவளைப்பின் போது, சுகாதாரத்துக்கு முரணான வகையில் பாதுகாப்பற்ற பழுதடைந்த உணவுகள், உணவுப் பொதிகளில் உற்பத்தித் திகதியும் காலாவதியாகும் திகதியும் தெளிவின்மை, சுகாதாரமற்ற முறையில் உணவைக் கையாளுதல், விற்பனை செய்தமை போன்றன கண்டறியப்பட்டன.