விலங்குகள் கணக்கெடுப்பை தொடர்ச்சியாக நடத்த வேண்டும்

2025 மார்ச் 15ஆம் திகதியன்று காலை 8.00 மணி முதல் 8.05 மணி வரை 5 நிமிடங்கள்முன்னெடுக்கப்பட்ட விலங்குகள் கணக்கெடுப்பு, இலங்கை வரலாற்றில் அதிக கவனத்தை ஈர்த்திருந்தன. விவசாய நிலங்களுக்கு வருகை தரும் குரங்குகள், செங்குரங்குகள், மர அணில்கள் மற்றும் மயில்கள் போன்ற வனவிலங்குகள் மட்டுமே கணக்கெடுக்கப்பட்டன.  

இலங்கையில் வனவிலங்குகள் நாட்டில் அழிவை ஏற்படுத்தி வருகின்றன. இதற்குக் காரணம், மனிதர்கள் காட்டு விலங்குகளின் நிலத்தைக் கைப்பற்றி, அங்கு குடியிருப்புகளையும் விவசாய நிலங்களையும் நிறுவியுள்ளனர். எனவே, விவசாய நிலங்களுக்குள் ஓடி மரங்களையும் இலைகளையும் சாப்பிடுவதற்கு விலங்குகளைக் குறை கூற முடியாது. 

யானைகளைக் கொல்வதாலோ, மயில்களைச் சுடுவதாலோ, குரங்குகளை அடித்து விரட்டுவதாலோ இந்தப் பிரச்சினையைக் கட்டுப்படுத்த முடியாது. இந்த சூழ்நிலையை கட்டுப்படுத்த அரசாங்கம் என்ன திட்டத்தை செயல்படுத்துகிறது என்பதும் எங்களுக்குத் தெரியாது. ஆனால் இந்த கட்டத்தில், இந்த கணக்கெடுப்பு முன்னெடுக்கப்படுகின்றது.

 நீங்கள் ஏதாவது ஒன்றின் பல மாதிரிகளைத் தேர்ந்தெடுத்து, அவற்றை எண்ணி, இறுதி முடிவைப் பெறலாம். இது 100% துல்லியமான முடிவு அல்ல, ஆனால் ஓரளவிற்கு துல்லியமான முடிவு. ஒரு நாளொன்றில், ஒரு மணி நேரத்திற்குள், அல்லது 
5 நிமிடங்களுக்கு, எத்தனை முறை காட்டு விலங்குகள் விவசாய நிலத்திற்குள் நுழைகின்றன என்பதைக் கண்டறிய முடியும்.

 இங்கு முக்கியமானது காட்டு விலங்குகளின் எண்ணிக்கை அல்ல, ஆனால் அவை எத்தனை முறை விவசாய நிலத்திற்குள் நுழைகின்றன என்பதுதான். ஒவ்வொரு முறையும், இந்த விலங்குகள் விவசாய நிலத்திற்கு ஏதாவது ஒரு வகையான சேதத்தை ஏற்படுத்துகின்றன. அந்த வகையில், 24 மணி நேரத்திற்குள் விவசாய நிலங்களுக்கு ஏற்பட்ட சேதத்தை சராசரியாகக் கணக்கிட முடியும். 

அதைத் தவிர, இந்த நாட்டில் எத்தனை குரங்குகள், எத்தனை செங்குரங்குகள், எத்தனை மர அணில்கள் மற்றும் எத்தனை மயில்கள் உள்ளன என்பதைக் கணக்கிட முடியாது.விவசாயநிலங்களுக்குசேதங்களைவிளைவிக்கும்விலங்குகளைஓரளவுக்கு எண்ணி கணக்கெடுத்து, அவற்றிலிருந்து ஏற்படும் சேதங்களைமதிப்பிடமுடியும். அதன்பின்னர், அவ்வாறான விலங்குகளுக்கு எதிரான நடவடிக்கைகளை அரசாங்கத்தால் எடுக்கமுடியும்.

தற்போது பாடசாலை விடுமுறை காலம், ஆகையால், தங்களுடைய வீட்டுத்தோட்டங்களுக்கு வரும் விலங்குகள், பறவைகளை கணக்கிட்டு, அதனை, அந்தந்த பிரதேசத்துக்கு பொறுப்பான கிராம சேவகர்கள் ஊடாக சேகரித்து, பிரதேச செயலங்களுக்கள் பெற்றுக்கொள்ளுமாயின், ஒரு பொதுவான தகவல்களை அரசாங்கத்தால் மிகவும் துரித கதியில் பெற்றுக்கொள்ளமுடியும் என்பதே எமது அறிவுறுத்தலாகும்.

2025.03.17