அமெரிக்காவில் தமிழ்ப் பெண் சாதனை

அண்மையில் இடம்பெற்ற ` மிஸஸ் இன்டர்நேஷனல் வேர்ல்ட் கிளாசிக்‘ அழகி போட்டியில்,  தமிழகத்தை சேர்ந்த ‘பிளாரன்ஸ் ஹெலன் நளினி‘  வெற்றி வாகை சூடியிருந்தார்.

சுமார் 3000 பேர் வரை  கலந்து கொண்ட இப் போட்டியில், 52 பேர் மாத்திரமே இறுதிப்போட்டிக்கு தெரிவு செய்யப்பட்டிருந்தனர் என்பதும், அதில் நளினி மாத்திரமே தமிழகத்தைச் சேர்ந்தவர் என்பதும் குறிப்பிடத்தக்கது.

இதனையடுத்து மும்பையில் நடைபெற்ற இறுதி போட்டியில் நளினி 2021-ஆம் ஆண்டுக்கான “மிசஸ் இன்டர்நேஷனல் வேர்ல்ட் கிளாசிக்” என்ற பட்டத்தையும், “கிளாமர் அச்சீவர்” என்ற துணைப்  பிரிவு பட்டத்தையும் வென்று சாதனை படைத்தார்.

இந்நிலையில் அமெரிக்காவின் புளோரிடா மாகாணத்தில் உள்ள மியாமி நகரில் அண்மையில் நடைபெற்ற ‘மிஸ் உலக அழகி போட்டியில் கலந்துகொண்ட அவர் ‘Ms. International World People’s Choice Winner 2022‘ என்ற பட்டத்தையும்  வென்று சாதனை படைத்துள்ளார்.

‘ 40-க்கும் மேற்பட்ட நாடுகளைச் சேர்ந்த 14 வயது முதல் 60 வயது வரையிலான

 அழகிகள் இப்போட்டியில்  கலந்து  கொண்டிருந்தனர் என்பது குறிப்பிடத்தக்கது.