குஜராத்தில் நிலநடுக்கம்

குஜராத் மாநிலத்தில், திங்கட்கிழமை (18) இரவு 8.18 மணியளவில், நிலநடுக்கம் ஏற்பட்டது. 

அம்மாநிலத்தின் கூட்ச் மாவட்டம், ரபர் நகரில் இருந்து தென்மேற்கே 26 கிலோமீற்றர் தொலைவை மையமாக கொண்டு, இந்த நிலநடுக்கம் ஏற்பட்டது.

இந்த  நிலநடுக்கம்  4 ரிச்டர் அளவில் பதிவாகியுள்ளது. இந்த நிலநடுக்கத்தால் யாருக்கும் எந்தவித பாதிப்பும் ஏற்படவில்லை.

முன்னதாக கடந்த 2001 ஜனவரி 26ஆம் திகதி  6.9 ரிச்டர் அளவில் பதிவான நிலநடுக்கத்தில், 13,800 பேர் உயிரிழந்தமை குறிப்பிடத்தக்கது.